Исмағамбетов Қабылбай, 1898 жылы БҚО Тайпақ ауданының №16 ауылында дүниеге келген. Алашорда офицері. Білімі бастауыш. Тұтқындалған кезде Атырау облысы Мақат ауданының Мақат өндірісінде қаржы  инспекторы болып жұмыс  жасаған.  1937 жылы 10 қыркүйекте БҚО УНКВД тарапынан тұтқындалады. 1937 жылы 5 желтоқсанда БҚО УНКВД Үштігінің шешімімен РКФСР ҚК 59-1, 58-2, 58-11 баптары бойынша сотталып, ең ауыр үкім - ату жазасына кесілген. Үкім орындалған. 1958 жылы 4 қаңтарда Гурьев облыстық сотының қаулысымен оған қарсы қозғалған істің қылмыстық құрамының жоқтығына байланысты тоқтатылып, ақталған (БҚО ПД архиві, №П-983 іс).