Иманалиев Тұяққали Иманғалиұлы 1902 жылы Батыс Қазақстан облысы Жаңақала ауданының Көлшіккұм (Кульчумкульский аул) ауылында дүниеге келген.  Қазақ, алашордашыларды қолдағаны үшін айыпталған. Тұтқындалғанға дейін Жаңақала ауданының Сасықкөл ауылында колхоздың председателі қызметін атқарған. 1938 жылы 25 сәуірде Жаңақала аудандық РО УНКВД тарапынан тұтқындалған. 1938 жылы 2 қарашада БҚО облыстық сотының қылмыстық сот коллегиясының шешімімен РКФСР ҚК 58-2, 58-7, 58-11-баптары бойынша 15 жылға ЕТЛ-ға қамалған.  1939 жылы 27 желтоқсанда істе қылмыс құрамының  жоғына орай іс тоқтатылып, ақталған (БҚО ПД архиві №983 іс, Р. Құрманбаев және басқалар ісінде).