Казиев Ғаділ 1897 жылы БҚО Орда ауданының Азғыр ауылында дүниеге келген. Қазақ, білімі орташа, қызметі мұғалім. Алашорда әскери жасағының құрамында қызмет жасаған. 1938 жылы 5 қарашада БҚО Орда аудандық УНКВД тарапынан тұтқындалған. Оған Кеңес үкіметіне қарсылық көрсеткені, антисоветтік террористік ұлтшыл ұйымның мүшесі деген айып тағылып, 1939 жылы 2 наурызда БҚО облыстық сотының шешімімен РКФСР ҚК 58-2, 58-7, 58-11-баптары бойынша 15 жылға сотталып, ЕТЛ-ға қамалған. 1954 жылы 6 қазанда Қазақ КСР Жоғарғы сотының шешімімен істе қылмыс құрамының жоғына орай іс тоқтатылып, ақталған. (БҚО ПД архиві №П-2209 іс).