Күзенов Әбуғали (дүниеге келген, дүниеден озған жылы белгісіз) – қазақ, орта білімді, Алашорда мүшесі. Алашорда тарағаннан кейін мұғалім, одан кейін Елтай аудандық интернатының меңгерушісі қызметіне орналасқан. 1937 жылы «оқу-ағарту саласын алашордашылар мен діншілдер, молдалардан тазарту» жұмыстары кезінде актисоветтік көзқарасы үшін НКВД тарапынан тұтқынға алынып, сотталған (БҚО мемлекеттік архиві, 786-қор, 1-тізбе, 225-іс).