Абдуллин Қалдыбай – Батыс Алашорданың белсенді мүшесі, Алаш қозғалысына қатысушы, Алаш әскери жасағының командирлерінің бірі. 1920 жылы Алашорда таратылғаннан кейін түрлі қоғамдық жұмыстарды атқарған. Үнемі кеңестік мемлекеттік органдардың бақылауында болған. Батыс Алашорда жетекшілерінің қылмыстық істерінде есімі аталады. Бірақ жеке іс-құжаттары табылмай жатыр. Өмір жолы, өмірінің соңғы жылдары туралы ақпараттар жоқ (БҚО ПД архиві, НКВД хаттамалары).