Айтқожаұлы (Айткужиев) Өмірғали, 1875 жылы 1 наурызда Батыс Қазақстан облысы Жаңақала ауданының №9 ауылында дүниеге келген.  Қазақ, руы қалмақ-төлеңгіт, білімі орташа, мамандығы мұғалім, Алашорданың әскери жасағында қызмет атқарған. 1937 жылы бұрынғы «Алашордада қызмет жасағаны, антисоветтік, диверсиялық, террористік топтың мүшесі болған» деген айыптармен НКВД-ның тізіміне ілінген. 1937 жылдың 2 қарашасында БҚО Камен ауданының Кусем ауылында колхозшы қызметінде жүрген жерінен УНКВД тарапынан тұтқынға алынған.  1938 жылы 15 ақпанда БҚО УНКВД Үштігінің шешімімен сотталып, ең ауыр үкім-ату жазасына кесілген.  Үкім 19 ақпанда орындалған. 1956 жылы 19 қаңтарда істің қылмыс құрамының жоқтығына байланысты тоқтатылып, ақталған. (БҚО ПД архиві, Үштіктің хаттамалары).