Айсариев Жүсіпқали Айсарыұлы, қазақ, Батыс Алашорда әскері. Батыс Алашорда жетекшілері Ж. Досмұхамедов пен Х. Досмұхамедовтердің сенімді серігі. 1917 жылы маусымда жергілікті халыққа басқару билігін земство жолымен беру жоспарында көрсетілген, қыстау бойынша уездік сайлау тізімін жасау тәртібіне орай  әкімшілікті қайта жасақтау, руларды болыс, ауыл етіп қоныстандыру жұмыстарына қатысты Салық Омаров, Кенесары Отаровтармен, Ілбішін уездік атқару комитетінің басшысы Ғаббас Жетпісов, Мәулекеш Сарығожиндермен бірігіп наразылық тобына қатысқан (БҚО ПД архиві, УНКВД хаттамалары).