Алиев Аман (Жанаман), 1904 жылы БҚО Жаңақала ауданының №28 ауылында дүниеге келген. Қазақ, білімі бастауыш, қызметі – колхоздың төрағасы. Алашорданы қолдаушы, ниеттес ретінде қылмыстық істе антисоветтік террористік ұлтшыл ұйымның мүшесі деген айып тағылғаны көрсетілген. 1937 жылы 2 тамызда Жаңақала аудандық НКВД тарапынан тұтқындалған. 1937 жылы 30 қыркүйекте БҚО УНКВД Үштігінің шешімімен РКФСР ҚК 58-10 бабы бойынша 10 жылға бас бостандығынан айрылып, ЕТЛ-ға қамалған. 1989 жылы 31 наурызда БҚО Прокуратурасының шешімімен 1989 жылға 16 қаңтардағы ПВС КСРО Қаулысына сәйкес ақталған (БҚО БД архиві, №П-2209 іс).