Құрманов Қалиш 1909 жылы БҚО Жымпиты ауданының Жымпиты ауылында дүниеге келген. Қазақ, білімі бастауыш, малшы. Батыс Алашорданы қолдаушы, ниеттес. 1938 жылы 5 наурызда Жымпиты аудандық НКВД тарапынан бұрынғы алашордашыларды қолдаушы, ұлтшыл, антисоветтік террористік бүлікті ұйымдастырушы топтың мүшесі деген айыппен тұқындалған. 1938 жылы 3 қазанда БҚО УНКВД Үштігінің шешімімен РКФСР ҚК 58-2, 58-8, 58-10-бабы бойынша сотталып, ең ауыр үкім –ату жазасына кесілген. Үкім орындалған. 1965 жылы 27 қазанда БҚО облыстық сотының шешімімен істе қылмыс құрамының жоғына орай ақталған (БҚО ПД архиві, Үштіктің хаттамалары).