Байниязов Төренияз 1900 жылы  БҚО Гурьев округі Жылықос ауданының Жаршық ауылында дүниеге келген. Қазақ, білімі бастауыш, Алашорда әскери жасағымен және  Алашорда белсенді мүшелерімен тығыз байланыста болған. Тұтқындалған кезде Атырау облысының Қызылту ауылында қызмет жасаған. 1938 жылы 29 наурызда Атырау облыстық УНКВД тарапынан тұтқындалған. 1938 жылы 27 ақпанда  Гурьев облыстық сотының шешімімен РКФСР ҚК 58-7, 58-11-баптары бойынша сотталып, 20 жылға бас бостандығынан айырылған. Мүлкі тәркіленіп, өзі ЕТЛ-ға қамалған. 1939 жылы 4 қыркүйекте Қазақ КСР Жоғарғы Сотының шешімімен істе қылмыс құрамының жоқтығына орай ақталған (БҚО ПД архиві №П-3406 іс, Д. Байтұрсынов ісінде аталады).