Балғымбаев – қазақ, Алаш әскери құрамасының жүзбасы, конвой командасының командирі. Есенғали Қасаболатовпен қатар аталады. 1919 жылы қаңтарда Қаратөбе ауданында өткен Ойыл облысы Земство управасы төрағасы Б. Жанқадамовтың орынбасары болып сайланды. Сол жылы тамыз айындағы Қызыл армияның шабуылы тұсында Е. Қасаболатов Алаш әскери құрамаларын толықтыру үшін құрылған комиссияны және жүзбасы Балғымбаевтың конвой командасын бастап, Жымпиты, Калмыков, Тайпақ өңірінде әскерге жігіт алу жұмысын жүргізеді. Балғымбаевтың есімі Алашорданың белсенді мүшесі Қуанай Қосдәулетов ісінде аталады. 1937 жылы тұтқындалып, жауапталған. Бұдан кейінгі тағдыры белгісіз (БҚО ПД архиві №П-2451 іс).