Бисенғалиев Қадырғали 1899 жылы БҚО Тайпақ ауданының Тайсойған ауылында дүниеге келген. Қазақ, байдың ұрпағы, Алашорда милициясының құрамында қызмет еткен, әскери жасақ, орта білімді. Тұтқындалғанға дейін БҚО Чапаев ауданының №17 ауылында колхозшы қызметін атқарған. 1937 жылы 2 желтоқсанда БҚО Тайпақ аудандық НКВД тарапынан тұтқындалған. 1938 жылы 15 қарашада ОГПУ Үштігінің шешімімен РКФСР ҚК 58-8, 58-10, 58-11-баптары бойынша сотталып, ең ауыр үкім – ату жазасына кесілген, үкім орындалған. 1959 жылы 19 қарашада БҚО сотының шешімімен істе қылмыстық құрамның жоқтығына орай ақталған (БҚО ПД архиві).