Мулкашев Ибраим – қазақ, орта білімді, қызметі – мұғалім, мектептің меңгерушісі. Қаратөбе аудандық білім беру бөлімінің басшысы А. Китаровтың облыстық білім беру бөлімінің басшысы Азаровқа жазған 1937 жылғы 10 сәуірдегі мәлімдемесі бойынша алынған. Мәлімдемеде И. Мулкашевтың мұғалімдік еңбек өтілі 16 жыл екені, Орынбор қаласында  өткен Алашорданың съезіне қатысып, депутат болғанын, ал қазіргі кезде мектептің меңгерушісі, жұмыс барысында ешқандай өрескел теріс қылықтары болмағанын жазған. Бұдан кейінгі тағдыры белгісіз (БҚО мемлекеттік архиві, 786-қор, 1-тізб, 225-істе).