Мырзағалиев Жилмухан, дүниеге келген-дүниеден озған жылы белгісіз. БҚО Жаңақала ауданында дүниеге келген. Қазақ, орта білімді, Батыс Алашорданың әскери жасағында болған, қылмыстық істе «бұрынғы бандит (бывший бандит)» деп көрсетілген. 1936 жылы желтоқсанның басында Жаңақала ауылында райзаготскотта, бұған дейін аудандық білім беру бөлімінің меңгерушісі қызметтерін атқарған. 1938 жылы мамыр-тамыз аралығында «антисоветтік террористік ұлтшыл ұйымның мүшесі» деген айыппен тұтқындалып, сотталған. Кейінгі тағдыры белгісіз. (БҚО ПД архиві, №П-2209 іс.).