Такебаев Тәжғали (дүниеге келген-дүниеден өткен жылы белгісіз) – қазақ, орта білімді, Батыс Алашорданың белсенді мүшесі, Алашорда әскери жасағында қызметте болған.  Әкесі ХХ ғасырдың басында болыс билеушісі, бай болған. Алашорда таратылғаннан кейін Форд Александровка ауылында мұғалімдік қызметке орналасқан. 1937 жылы «оқу-ағарту саласын алашордашылар мен діншілдер, молдалардан тазарту» жұмыстары кезінде НКВД тарапынан тұтқынға алынып, сотталған (БҚО мемлекеттік архиві, 786-қор, 1-тізбе, 225-іс).