Төтебаев Қуат – Батыс Алашорда әскери далалық сотының конвой командасының командирі. 1918 жылы сәуірдегі облыстық қазақ управасы мен Қазақ Войско үкіметі арасындағы одақтың келісімшартына және сол жылғы мамырдағы ІV Қазақ Орал облыстық сьезінің большевизмге қарсы күрес жөніндегі қарарына сәйкес құрылған Ойыл уәлаятында большевизм салдарын жою жөніндегі айрықша комиссия құрамында болған. Қоғамдық өмірдің әртүрлі саласында білікті мамандардың жетіспеушілігіне байланысты тергеу-тексеру ісі мен сот ісінің аражігі ұдайы сақтала бермеген, әрі соғыс үстіндегі уәлаят жағдайында атқарымдық міндеттері негізінен бір болған бұл екі құрылымның құрамына Алпан Кенжәлиев, Ескендір Көпжасаров, Жайсаңғали Домалановтармен бірге конвой командасының командирі  қызметін атқарған (БҚО ПД архиві).