Тюменев Құрман Тасболатұлы 1891 жылы БҚО, Бөрлі ауданының Қаракемир ауыл советінде дүниеге келген. Қазақ, шаруа-малшы отбасынан, қызметші, үйленген, бастауыш білімді, бұған дейін сотталмаған. Батыс Алашорда мүшесі. 1932 жылы коммунистік партия қатарына қабылданып, 1937 жылдың 22 қазанында контрревволюциялық ұлтшыл топтың мүшесі ретінде партия қатарынан шығарылған. 1937 жылдың 2 қарашасында Орда аудандық НКВД тарапынан тұтқындалған. Тұтқындалған кезде Казталов аудандық РайЗо басшысы қызметін атқарған. 1937 жылы 2 қарашада жазылған тұтқынның айыптау парағында: «Бұған дейін бірнеше мемлекеттік қызметте жұмыс жасадым. 1932 жылы Орда аудандық НКВД бастығы, Казталов аудандық РайЗо басшысы қызметін атқардым» деп жазылған. 1937 жылы қарашада БҚО НКВД Үштігінің шешімімен сотталған. Бұдан кейінгі тағдыры белгісіз (БҚО ПД архиві, №П-2209 іс).