Халелов Ағрап 1890 жылы Батыс Қазақстан облысы, Тайпақ ауданының №15 ауылында дүниеге келген. Қазақ, орта білімді. Батыс Алашорда әскерінің құрамында болған. Тұтқындалғанға дейін Тайпақ ауданының Қамыстыкөл ауылында қызмет жасаған. 1937 жылы 27 желтоқсанда Тайпақ аудандық РО НКВД тарапынан тұтқындалған. 1937 жылы 31 желтоқсанда БҚО УНКВД Үштігінің шешімімен РКФСР ҚК 58-10-бабы бойынша сотталып, 10 жылға ЕТЛ-ға қамалған. 1989 жылғы 16 қаңтардағы ПВС КСРО Қаулысына сәйкес 1989 жылы 29 наурызда БҚО прокуратурасы ақтаған (БҚО мемлекеттік архиві, 786-қор, 1-тізбе, 225-іс).