Шынаров (дүниеге келген-дүниеден озған жылы белгісіз) БҚО Қаратөбе ауданының Сабынкөл ауылында дүниеге келген. Қазақ, білімі орташа, Алашорда жасағының құрамында болған, 1929 жылдары мал-мүлкі тәркіленген бұрынғы бай.  1920 жылы Алашорда тарағаннан кейін оқытушылар курсын аяқтап, мұғалімдік қызметке кіріскен. Жымпиты бастауыш орта мектебінің 5-7-сыныптарында  математика пәнінің мұғалімі. 1937 жылы «оқу-ағарту саласын алашордашылар мен діншілдер, молдалардан тазарту» жұмыстары кезінде НКВД тарапынан тұтқынға алынып, сотталған (БҚО мемлекеттік архиві, 786-қор, 1-тізбе, 225-іс).