102. Байғұлов Ғатауолла (1867-1937) – имам, молданың баласы, бұрынғы Жаңақала уезінен, РСФСР Конституциясының 65-бабы және ҚазОАК-тың 1925 жылғы 9 мамырдағы нұсқаулығы бойынша дін өкілі ретінде сайлау құқынан айырылған (БҚОМА, №24 қор, №4 тізбе, №567 іс); хазірет, мешіт ұстап, шәкірт тәрбиелеген дін қайраткері. 1937 жылы 22 маусымда «Мұхтасиб Нығметолла Ибрагимовтің контрреволюциялық, антисоветтік діншіл-байшыл ұйымының мүшесі» ретінде Атырау қаласында тұтқындалған. Оған РСФСР ҚК-ның 58-2, 58-11-баптары бойынша айып тағылып, 1937 жылы 30 қыркүйекте БҚО НКВД үштігі ату жазасына кескен. 1989 жылы 16 қаңтарда БҚО прокуратурасы ақтаған. (Қылмыстық ісі Атырау облыстық ІІД арнайы архивінде сақталған)