425. Қаналиев Ізтілеу (1894-1938) – Батыс Қазақстан облысы Қаратөбе ауданы Сабынкөл ауылында туған. Бұрынғы молда, Қаратөбе аудандық дайындау артелінде өкіл. Қаратөбелік контрреволюцияшыл панисламистік бүлікшіл ұйым мүшесі ретінде Т.Иманғазиев, Ж.Лашынов, Е.Отарғазиевтермен бірге айыпталған. Башқұртстаннан келген Құрбанғали хазірет Қуанышқалиевпен бірге жүргені, қонақ еткені үшін 1938 жылы 4 ақпанда тұтқындалған. БҚО бойынша НКВД үштігі 1938 жылы 14 ақпанда РСФСР ҚК-ның 58-2, 58-11-баптары бойынша айыптап, ату жазасына кескен. Сол күні 23.55. сағатта атылған. 1961 жылы 21 қыркүйекте БҚО сотының алқасы ақтаған. (Қылмыстық ісі БҚО ІІД арнайы архивінде сақталған)