2. Басты бет
  3. Жаңалықтар
Біз білмейтін тарих

Білесіздер ме, өңіріміздің бір топ белгілі ғалым -тарихшылары мен өлкетанушылар Ескайрат Хайдаров, Бақтылы Боранбаева, Альфия Байбулсинова, Қазыбек Құттымұратұлы, Ахмедияр Батырханов, Курумбаев Айбулат бұрын қолға алынбаған тарихты қазбалап, бұрын рұқсат етілмеген архивтерді қопарып, өзге өңірлерге сапар шегіп, көптеген ақпараттарды жинап өңдеп, бірнеше тарихи кітаптар шығарған! Оларды редакциялаған белгілі қоғам белсендісі, қоғам қайраткері – Нұрлан Сәдір, ұйымдастырушысы, басшылық етуші - Жантас Сафуллин. Мықты команда!

Осыдан үш жыл бұрын БҚО бойынша "ХХ ғасырдағы саяси қуғын-сүргін құрбандарын толық ақтау жөніндегі өңірлік комиссия" құрылғанынан және ол комиссия құрамына өлкеміздің тарихын түгелдеуге сыбана жұмыс қылып жүрген бір топ ғалым, журналист, ұлтжанды азаматтар еніп, іске кіріскенінен хабардар болған едік.

Шерлі тарих шындығы

Президент Қасым-Жомарт Тоқаевтың Жарлығымен елімізде саяси қуғын-сүргін құрбандарын толық ақтау бойынша кең көлемде жұмыс басталғалы үш жыл ішінде Батыс Қазақстан облысында да қыруар жұмыс атқарылды. 2001 жылы өңірде кеңес­тік репрессия құрбандарын ақтау, сол кездегі со­лақай саясаттың әсерінен болған қуғын-сүргіннің ауқымын зерттеу­ге байланыс­ты құрылған жұмыс тобы «Dana» ғы­лы­ми-зерттеу орталығының аясында қызмет етті. Жергілікті атқарушы билік­тің жан-жақты қолдауы және жұмысты дұрыс ұйымдастырудың арқасында аз уақытта көп жұмыс тындырылды.

Жымпитыдағы жүздесу

Бұдан бұрын хабарлағанымыздай, репрессия құрбандарын толық ақтау бойынша құрылған комиссияның жұмыс тобы мүшелері Жымпиты ауылында болып, аудандық архив материалдарымен танысты һәм халықпен жүздесті.

Бүгін Жалпақтал ауылдық округі әкімдігінің мәжіліс залында Қ Президенті Қ. К. Тоқаевтің 2020-шы жылғы 24-ші қараша күнгі жарлығы негізінде Батыс Қазақстан облысы әкімдігінің 2021-ші жылғы 20-шы қаңтар күнгі 1-ші қаулысы негізінде саяси қуғын-сүргін құрбандарын ақтау жөніндегі құрылған өңірлік комиссияның мүшелері М. Өтемісұлы атындағы БҚУ доценті, тарих ғылымдарының кандидаты Бақтылы Боранбаева, Жәңгір хан атындағы БҚАТУ доуенті, тарих ғылымдарының кандидаты Есқайрат Хайдаров, есімдері өңірімізге кеңінен танымал өлкетанушылар Ахмедияр Батырханов пен Айболат Құрымбаев аудан тұрғындарымен кездесті.

© 2021-2023 batysmura.kz тарихи-танымдық, ғылыми-зерттеу порталы

Қолданылған материалдарға міндетті түрде www.batysmura.kz сайтына гиперсілтеме берілуі тиіс / Любое использование материалов допускается только при наличии гиперссылки на batysmura.kz.